Rreth projektit

Akademia Rajonale për Demokracinë është një nga evenimentet më të rëndësishme rajonalë, e cila mbledh së bashku cdo vit 50 udhëheqës të rinj nga Shqipëria, Bosnje-Hercegovina, Kroacia, Kosova, Maqedonia, Mali i Zi dhe Serbia. Nëpërmjet seminareve dhe vizitave të përbashkëta studimore, synohet që të rriten njohuritë dhe mirëkuptimi në nivel rajonal, por edhe të krijohen lidhjet e nevojshme për zhvillimin dhe integrimin e Ballkanit.

Pjesëmarresit në këtë program janë deputetë, drejtues të lartë të administratës qendrore dhe vendore si dhe aktiviste civilë të shquar. Programi financohet nga Bashkimi Evropian si dhe Fondi Ndërkombëtar i Vishegradit dhe fondi "Balkan Trust for Democracy". Rrjeti i shtatë shkollave politike të Këshillit të Evropës në rajonin e Ballkanit siguron zbatimin e projektit në nivel vendor dhe koordinon bashkëpunimin rajonal. Ky program do të vazhdojë deri në vitin 2015 të kontribuojë për ndërtimin e një gjenerate të re udhëheqësish, të cilët do të kapërcejnë barrierat historike që ekzistojnë në Ballkan.

Për më tepër detaje mbi programin dhe pjesëmarrësit, ju lutem të konsultoheni me faqen zyrtare online të programit: www.radwb.eu

Te rejat e Fundit

VIDEO GALERI